Met my vorige besoeke aan Moskou het ek twee keer in die woonstel van die Library for Foreign Kiterature gebly en twee keer by Angela-hulle. Ek het gehoor hoe duur akkommodasie in Rusland is - en kom dit nou deeglik agter!
Die hotel is in ‘n gewone woongebied met grys woonblokke rondom, daar is darem ‘n strook grond met boompies voor die hotel. Glad nie wat ek verwag het nie – behalwe die prys, dit het ek geweet – en daarom beter verwag. Kom nou reeds agter hoe duur Rusland is – later sê Luyba die gewone mense bly nie in hotelle nie en eet nie in restourante nie, dis hoe hulle kan oorleef. Hier kos my kamer my meer as R900 per nag – en daarvoor kry jy ‘n klein kamertjie (darem ‘n dubbelbed, anders as in Ekaterinburg), yskassie, TV en badkamer met bad (die stort is by die bad met ‘n plastiekgordyn rondom). Die ontbyt was wel ‘n verrassing – groot en uitgebreid vir Russiese standaarde.
Alle skoon en heeltemal voldoende maar nie vir so ‘n prys nie. Minder luuks as Travel Lodge by ons.
No comments:
Post a Comment